INDIAN GEOGRAPHY - NICK NAMES OF PLACES

1) Golden City - Amristar
2) Manchester of India - Ahmedabad
3) City of Seven Islands - Mumbai
4) Queen of Arabian Sea - Cochin
5) Space City - Bangalore
6) Garden City of India - Bangalore
7) Silicon Valley of India - Bangalore
8.) Electronic City of India - Bangalore
9) Pink City - Jaipur
10) Gateway of India - Mumbai
11) Twin City - Hyderabad -
Sikandarabad
12) City of Festivals - Madurai
13) Deccan Queen - Pune
14) City of Buildings - Kolkata
15) Dakshin Ganga - Godavari
16) Old Ganga - Godavari
17) Egg Bowl of Asia - Andhra Pradesh
18) Soya Region - Madhya Pradesh
19) Manchester of the South -
Coimbatore
20) City of Nawabs - Lucknow
21) Venice of the East - Cochin
22) Sorrow of Bengal - Damodar river
23) Sorrow of Bihar - Kosi river
24) Blue Mountains - Nilgiri
25) Queen of the Mountains -
Mussoorie

નમૂનેદાર યુનેસ્કો હેરિટેજ સાઈટસ (છપ્પનવખારી)

Nov 12, 2013 18:54 છપ્પનવખારી - તેજસ વૈદ્ય બાળકોનું વેકેશન પડી ગયું છે. વેકેશનમાં ફરવા જવું હોય તો યુનેસ્કોએ બાળકો માટે જગતભરનાં કેટલાંક ચુનંદાં પ્રવાસન સ્થળો પસંદ કર્યાં છે જે યુનેસ્કોની વર્લ્ડ હેરિટેજ સાઈટ્સમાં સામેલ છે. આ સ્થળો માત્ર બાળકોને જ નહીં પણ મોટેરાંઓને પણ અચંબો પમાડે એવાં છે. જો આમાંથી કોઈક સ્થળોની મુલાકાત લઈ શકાય તો એના જેવું રૂડું એકેય નહીં અને ન જઈ શકાય તો આ લેખ વાંચીને ઘેર બેઠા ગંગા માણો! ઈતિહાસ માત્ર પાઠયપુસ્તકો કે અન્ય પુસ્તકોમાં જ વાંચવાની બાબત નથી. ઈતિહાસ સ્થળ પર જઈને જાણવા અને માણવાની બાબત છે. વિશ્વમાં એવા ઘણા સ્થળ છે જેને નેશનલ પાર્કનો દરજ્જો મળ્યો છે કે ટુરિઝમ સ્પોટ તરીક જગવિખ્યાત બન્યા છે. અવાવરૂ સ્થળોના ઈતિહાસ સાથે અનુસંધાન તારવીને તેને ટુરિઝમ સ્પોટ તરીકે કઈ રીતે ડેવલપ કરી શકાય અને લોકોને એમાં કઈ રીતે રસ લેતા કરી શકાય એ કામ વિશ્વના કેટલાક દેશોમાં ખૂબ માવજતપૂર્વક થયું છે  કોલોસિયમ - રોમ, ઈટલી એમ્ફિ થિયેટર હવે દેશનાં મોટા ભાગનાં શહેરો માટે ખૂબ જાણીતો શબ્દ બની ગયો છે. એમ્ફિ થિયેટર શબ્દ પ્રાચીન ગ્રીસ - રોમમાંથી આવેલો છે. પ્રાચીન રોમમાં અર્ધ કે લંબગોળાકાર નાટકશાળાઓ હતી. જે એકદમ ઓપન હતી. આજે અમદાવાદ સહિત ગુજરાતનાં કેટલાંક શહેરોમાં પણ એમ્ફિ થિયેટર છે. ઈટલીના રોમમાં આવેલું કોલોસિયમ ફ્લેવિયન એમ્ફિ થિયેટર તરીકે પણ ઓળખાય છે. રોમન સલ્તનતનું સૌથી વિશાળ એમ્ફિ થિયેટર એટલે કોલોસિયમ. જે ઈ.સ. પૂર્વે ૭૦-૮૦માં બંધાયેલું છે. રોમન સમ્રાટ વેસ્પેસિયનના વખતમાં એ બંધાયું હતું. ઈ.સ.પૂર્વે ૭૦માં એનું ચણતર શરૂ થયું હતું અને ૮૦માં પૂરું થયું હતું. આ એમ્ફિ થિયેટરની વિશેષતા એ છે કે સિત્તેર હજાર દર્શકો ત્યાં બેસીને મનોરંજન માણી શકે છે. ત્યાં માત્ર નાટકો જ નહોતાં ભજવાતાં. એમાં જાહેર તમાશા, જીવસટોસટની બાજીઓ વગેરે ખેલાતા હતા.ઈંગ્લિશ ફિલ્મ 'રોમન હોલી ડે'(૧૯૫૩)ના કેટલાંક દૃશ્યોમાં કોલોસિયમ સુંદર રીતે દર્શાવવામાં આવ્યું હતું. કોલોસિયમ કોઈ ફિલ્મમાં ઊડીને આંખે વળગતું હોય તો એ હતી'ગ્લેડિએટર'(૨૦૦૦). જેમાં કોલોસિયમના પટાંગણમાં યોદ્ધાઓને બાથ ભીડતા બેનમૂન રીતે દર્શાવ્યા હતા. જાણીને નવાઈ લાગશે કે ગ્લેડિએટરમાં દર્શાવેલું કોલોસિયમ સાચું નહોતું. એ કમ્પ્યુટર ગ્રાફિક્સની સીજીઆઈ એપ્લિકેશન એટલે કે 'કમ્પ્યુટર જનરેટેડ ઇમેજરી' દ્વારા તૈયાર થયું હતું.૧૯૮૦માં તેને યુનેસ્કોની વર્લ્ડ હેરિટેજ સાઈટમાં સ્થાન આપવામાં આવ્યું હતું. ઓપેરા હાઉસ - સિડની, ઓસ્ટ્રેલિયા ૨૦૦૭માં સિડનીના ઓપેરા હાઉસને યુનેસ્કોની વર્લ્ડ હેરિટેજ યાદીમાં સ્થાન મળ્યું હતું. આધુનિક શૈલીનાં મહાન સ્થાપત્યોમાં ઓપેરા હાઉસ સામેલ છે. સિડનીના બંદર પર આવેલું ઓપેરા હાઉસ જાણે ત્યાંના દરિયામાંથી બહાર ઊગીને નીકળ્યું હોય એટલું રમણીય લાગે છે. યુનેસ્કોએ પોતાની નોંધમાં લખ્યું હતું કે, "ન માત્ર ૨૦મી સદીનું બલકે, માનવ ઇતિહાસમાં સર્જનાત્મકતાનું આ બેજોડ ઉદાહરણ છે."ડેન્માર્કના આર્કિટેક્ટ જર્ન ઉટ્ઝને તેની ડિઝાઈન તૈયાર કરી હતી. ઓપેરા હાઉસે જર્ન ઉટ્ઝનનું નામ અમર કરી દીધું છે. ૨૯ નવેમ્બર, ૨૦૦૮ના રોજ ૯૦ વર્ષની વયે તેમનું નિધન થયું હતું.૧૯૫૯માં ઓપેરા હાઉસનું બાંધકામ શરૂ થયું હતું જે ૧૯૭૩માં પૂરું થયું હતું. આ વર્ષે તેને ૪૦ વર્ષ થયાં એની ઉજવણી ચાલી રહી છે. એમાં થિયેટર, કોન્સર્ટ હોલ, પ્લે હાઉસ, રેકોર્ડિંગ સ્ટુડિયો વગેરે આવેલાં છે. અંદર કેટલાક શૈક્ષણિક કાર્યક્રમો પણ ચાલે છે.અમેરિકન આર્કિટેક્ટ લૂઈ કાન્હે ઓપેરા હાઉસને જોઈને કહ્યું હતું કે, "પોતાનો પ્રકાશ કેટલો ખૂબસૂરત છે એ સૂર્યને ત્યાં સુધી નહીં ખબર પડી હોય જ્યાં સુધી તેનાં કિરણો ઓપેરા હાઉસ પર પડીને રિફ્લેક્ટ થયાં હશે." ધ જાયન્ટ્સ કોઝવે - આયર્લેન્ડ, અમેરિકા લંડનના ઉત્તર આયર્લેન્ડ તરફ આવેલો ધ જાયન્ટ્સ કોઝવે એવો અજુબો છે કે એને જોતાંવેંત માનવું પડે કે કુદરત પણ જબરા ખેલ ખેલે છે. દરિયાના કાંઠે એવા ખડક તૈયાર થયેલા છે જે ષટ્કોણીય આકારનાં ચોસલાંના બનેલા છે. ત્યાં પહોંચીએ એટલે કોઈ પઝલ પ્રદેશમાં પહોંચી ગયા હોઈએ કે ગણિતના કોઈ દાખલા વચ્ચે ઊભા હોઈએ એવું લાગે. જે ષટ્કોણીય ચોસલાં છે એ જ્વાળામુખીના ખડકનાં બનેલાં છે. એ રીતે આ ખડક પણ જ્વાળામુખી હલચલની જ નીપજ છે. ત્યાંનાં ભૂસ્તરીય સંશોધનો કહે છે કે ત્યાં ૫ચાસેક લાખ વર્ષ પહેલાં જે જમીની હલચલ થઈ એમાંથી આ ખડકે આકાર લીધો હતો. ધ જાયન્ટ્સ કોઝવેનું જતન ત્યાંનું નેશનલ ટ્રસ્ટ કરી રહ્યું છે. આયર્લેન્ડના પ્રવાસે જનારા ત્યાં જવાનું ચૂકતા નથી. યુનેસ્કોએ આ સાઈટને ૧૯૮૬માં વર્લ્ડ હેરિટેજ સાઈટ ઘોષિત કરી હતી. માત્ર ખડક જ નહીં ત્યાંનો સમુદ્રકિનારો પણ ખૂબ આહ્લાદક છે. વાયંગ - ઈન્ડોનેશિયા વાયંગ પહેલી વખત આ નામ સાંભળીએ એટલે કૌતુક થાય. વાયંગ એ ઇન્ડોનેશિયાનું પરંપરાગત શેડો પપેટ થિયેટર એટલે કે છાયા કઠપૂતળી નાટયકલા છે. યુનેસ્કોએ આ કલાને પેઢી દર પેઢી મૌખિક રીતે જળવાતી અમૂર્ત માનવકલાની કેટેગરીમાં સ્થાન આપ્યું છે. ૭ નવેમ્બર, ૨૦૦૩ના રોજ યુનેસ્કોએ આ જાહેરાત કરી હતી. યુનેસ્કોએ ઈન્ડોનેશિયન અધિકારીઓને કહી પણ રાખ્યું છે કે આ કલાને વિસરાવા દેતા નહીં. એનું જવાબદારીપૂર્વક જતન કરજો. મજાની વાત એ છે કે આપણાં રામાયણ અને મહાભારત જેવાં કાવ્યો પણ વાયંગમાં ભજવાય છે. એક મત એવો પણ છે કે આ કલા ભારતમાંથી જ ત્યાં પહોંચી છે અને ત્યાં તે જળવાઈ છે, કારણ કે ઈન્ડોનેશિયામાં વાયંગની શરૂઆત ક્યારથી થઈ એનું કોઈ ચોક્કસ પ્રમાણ નથી મળતું. વાયંગ ઈન્ડોનેશિયન શબ્દ છે. જેનો અર્થ થાય છે ચોક્કસ રચના દ્વારા થતું નાટક. ઇન્ડોનેશિયાના જાવા અને બાલીમાં આ શેડો પપેટ થિયેટર ખૂબ પોપ્યુલર છે. વાયંગને જાવા અને બાલીમાં ત્યાંની બોલીમાં બાયંગ પણ કહે છે. ડાયનોસોર પ્રોવિન્સિયલ પાર્ક - અલ્બેર્ટા, કેનેડા કેનેડાના અલ્બેર્ટામાં આવેલો આ પાર્ક ૧૯૭૯માં યુનેસ્કોની વર્લ્ડ હેરિટેજ સાઈટમાં સામેલ થયો હતો. પાર્કની સ્થાપના ૧૯૫૫માં થઈ હતી. ત્યાંની રેડ ડિયર નદીના ખીણપ્રદેશમાં આ પાર્ક આવેલો છે. આ પાર્ક ડાયનોસોરના જીવાવશેષ માટે વિખ્યાત છે. ત્યાંથી ડાયનોસોરનાં ૪૦ જેટલાં હાડપિંજરો મળી આવ્યાં છે તેમજ મોટી સંખ્યામાં છૂટાછવાયા અવશેષો મળ્યા છે. ડાયનોસોરના ઉદ્ભવથી લઈને તે ભૂતકાળમાં ગરકાવ થઈ ગયા ત્યાં સુધીનો ચિતાર આ પાર્કમાં દર્શાવવામાં આવે છે. આ પાર્કનો ખીણપ્રદેશ અને ત્યાંની જીવવૈવિધ્યતા પણ લોકોને ત્યાં જવા આકર્ષે છે. વોલ્કેનોઝ નેશનલ પાર્ક - હવાઈ, અમેરિકા અમેરિકાનો હવાઈ ટાપુ બીચ પર બિકીનિ પહેરીને સૂરજના અજવાળે બદન શેકતી સેક્સી યુવતીઓ માટે ખૂબ જાણીતો છે. હોલિવૂડની ફિલ્મોમાં હવાઈ ટાપુ ગ્લેમરસ રીતે દર્શાવવામાં આવે છે. જાણીને નવાઈ લાગશે કે આ ટાપુ જ્વાળામુખીની કારણે ઉદ્ભવ્યો છે. તેની આસપાસ હજુ પણ બે એવા જ્વાળામુખીઓ છે જે ધૂણી ધખાવીને બેઠા છે -કિલૌયા અને મૌના લોઆ. બંને જ્વાળામુખીને હાજરાહજૂર દર્શાવતો પાર્ક એટલે વોલ્કેનોઝ નેશનલ પાર્ક. અમેરિકાના હવાઈ ટાપુ પર આવેલા આ નેશનલ પાર્કની સ્થાપના ૧૯૧૬માં થઈ હતી. યુનેસ્કોની વર્લ્ડ હેરિટેજ સાઈટમાં તેને ૧૯૮૭માં સ્થાન મળ્યું હતું. આ નેશનલ પાર્કની મુલાકાત લેવાનો અનુભવ જ ખૂબ વેગળો છે. કિલૌયા ત્રણથી છ લાખ વર્ષ જૂનો હોવાનું મનાય છે અને મૌના લોઆ સાતથી દશેક લાખ વર્ષ જૂનો હોવાનું મનાય છે. હવાઈ ટાપુ કઈ રીતે ઉદ્ભવ્યા એનાં ભૂસ્તરીય અને વૈજ્ઞાનિક કારણોની જાણકારી આ પાર્ક પૂરી પાડે છે. આ પાર્ક ૩ લાખ કરતાં વધુ એકરમાં ફેલાયેલો છે. પાર્કનાં કેટલાંક આકર્ષણોમાં ૧૭૯૦ની ફૂટપ્રિન્ટ્સ છે. જે એ વખતે થયેલા યુદ્ધનો પુરાવો માનવામાં આવે છે. વોલ્કેનો આર્ટ સેન્ટર પણ છે. મોરેશિયસ Nov 09, 2013 22:53 પ્રવાસ - ડો. ભારતી રાણે ક્રેટર, કોતર અને કુદરતી કારીગરીનો પ્રદેશ યુરોપ, એશિયા, આફ્રિકા, મડાગાસ્કરથી અહીં આવી વસેલા અલગઅલગ જાતિના લોકોની એકતા અને પરસ્પર આદરભાવના અજોડ છે મોરેશિયસમાં પહેલે દિવસે તો મનમાં હતું કે માત્ર ૪૨ માઈલ લાંબા ટાપુમાં ફરી વળતાં કેટલી વાર? પણ ત્યાં ફરતા ગયા તેમ તેમ એનાં અજાણ્યાં રૂપ ઊઘડતાં ગયાં. દ્વીપના દક્ષિણ ભાગમાં ટ્રાઉ ઓક્સ સર્ફ નામનું શાંત થઈ ગયેલા જ્વાળામુખીનું મુખ છે. ઘેઘૂર વૃક્ષોથી છવાયેલા આ ૨૭૯ ફીટ ઊંડા અને ૬૫૬ ફીટ પહોળા ક્રેટરની વચ્ચે નાનકડું તળાવ રચાયું છે. કહે છે કે અંદરખાનેથી આ જ્વાળામુખી છેક રિયુન્યો ટાપુના પેટાળ સાથે જોડાયેલો છે. ટેકરીની તળેટીમાં ક્યોરપીપ નામનું ગામડું છે. ક્યોરપીપના નિવાસીઓની કલાકારીગરી બેનમૂન છે. મોરેશિયસના અજાણ્યા કિનારે નાંગરેલાં વિખ્યાત વહાણોની પ્રતિકૃતિ, કારીગરોએ એમાં કંડારેલી નાની-નાની વિગત બધું અદ્ભુત છે. દક્ષિણ મોરેશિયસમાં ગ્રાન્ડ બેઝિન નામે ઓળખાતી જગ્યાએ ટેકરીઓની વચ્ચે તળાવ છે. હિન્દુઓએ અહીં શિવમંદિર બાંધ્યું છે અને એની સામે નાનકડી ટેકરી પર હનુમાનજીનું મંદિર છે. ગંગાનું પાણી લાવીને આ તળાવમાં વિધિવત્ રેડવામાં આવ્યું, ત્યાર પછી એને ગંગા તલાઓ(તળાવ) કહેવાય છે અને એ ગંગા જેવું પવિત્ર મનાય છે. મહાશિવરાત્રિએ અહીં ભક્તોનો મેળો લાગે છે. ત્યારે જેમણે ક્યારેય ભારત ન જોયું હોય તેવા ક્રિયોલભાષી લોકો એમની ભાષામાં શિવભક્તિ કરે છે! મોરેશિયસનાં ગામડાંઓમાં ફરતાં જોયું કે મકાનોમાંથી ઘણા ખરા આંગણામાં એક ઓટલો હોય, જેના ઉપર હનુમાનજીની મૂર્તિ મૂકેલી હોય અને એટલા ઉપર ખોસેલી ઊંચી લાકડી પર લાલ-સફેદ ધજા ફરફરતી હોય, સાથે તુલસીક્યારો પણ ખરો! લોકો જરાક શામળા અને સાદા હતા. ભારતીય જેવાં દેખાતાં અને ગુજરાતી ઢબથી સાડી પહેરેલાં એક બહેન સાથે હિન્દીમાં વાત કરવા પ્રયત્ન કર્યો, ત્યારે ખબર પડી કે એમને હિન્દી આવડતી નહોતી, તેઓ ફ્રેન્ચ અથવા ક્રિયોલ જ સમજી શકતાં હતાં! એશિયનોનો પ્રભાવ ત્યાં એટલો વધ્યો છે કે સંજોગવશાત્ યુરોપ, એશિયા, આફ્રિકા, મડાગાસ્કરથી અહીં આવી વસેલા અલગઅલગ જાતિના લોકોની એકતા અને પરસ્પર આદરભાવના અજોડ છે. અલગ અલગ સંસ્કૃતિઓમાંથી વિકસેલો સૌનો સહિયારો વારસો છે. અલગ અલગ મૂળના આ લોકો વચ્ચે રોટીબેટીનો નાતો છે. સૌની સહિયારી ભાષા છે, ક્રિયોલ અને સૌની સહિયારી ઓળખાણ છે, મોરેશિયન જે હોવાનું અહીં વસતા સૌને ગોરવ છે. મોરેશિયનો ખોરાકને સુંદર રીતે સજાવીને પીરસવાની કળામાં માહેર છે. આખા ટાપુ પર ફળો તો ભરપૂર મળે. પોર્ટ લુઇસની ફ્રૂટ માર્કેટમાં પાઇનેપલ, કેળાં, સફરજન, કેરી, લીચી, પેશન ફ્રૂટ અને તરહ તરહનાં શાકભાજીની આકર્ષક સજાવટ જોવી એ પણ એક લહાવો છે. દરિયાકિનારાની કોઈ રેસ્ટોરાંમાં સાત વર્ષની ઉંમરના પામવૃક્ષને વધેરીને એના ગરમાંથી બનાવેલું ખાસ રિફ્રેશિંગ સલાડ-કોયુર દે પામિસ્તે ઉર્ફે મિલિયોનેર સલાડ સાથે સ્મોક કરેલી મરલીન માછલી, બાફેલા ચોખા સાથે વેનિસન કરી અથવા થીમ બાર્બેક્યુ સાથે પારંપરિક નૃત્યો તમે માણી શકો! અને જો તમે શાકાહારી હો ને હોટેલમાં ખાવું ન હોય તો, લારી પર કે કેબિન જેવી ઘુમટી પર આપણાં દાળવડાં જેવાં લીલાં મરચાં અને વટાણાની દાળનાં 'ગેટોક્સ પિમેન્ટ્સ' નામનાં ભજિયાં અથવા 'ધોલ્લ-પુરી' નામના ટામેટાંના રસમાં બનાવેલા મસાલેદાર પુડલા ખાઈ શકો!  ગંગા તલાઓથી થોડે દૂર પ્રવાસીઓ સાત રંગની ધરતી જોવા શેમરેલ નામના સ્થળે જાય છે. જ્વાળામુખીએ અહીં ધરતીમાં રંગોળી પૂરી છે. આમ તો આંખ ખુલ્લી રાખીએ તો આ પ્રદેશની જમીન પર આછા રંગોની બિછાત ઠેરઠેર જોવા મળે, પણ શેમરેલ પર એ જરાક વધારે સ્પષ્ટ દેખાય છે. શેમરેલની બંજર ભૂમિ છોડી, પવનમાં ડોલતાં શેરડીનાં ખેતરો વટાવતાં હરિયાળા ઊંચાણો તરફ જતાં બ્લેક રિવર ગોર્જ નામનું સ્થળ મળે. ઊંડી કરાડ કોતરતી બ્લેક નદી ટેકરી પરથી નીચે ધોધમાર પછડાતી સાગરને મળે છે, તે સ્થળે નાનકડું જંગલ છે. પક્ષીઓનાં આ અભયારણ્યમાં કેટલીક લુપ્ત થતી જતી પ્રજાતિનાં દુર્લભ પક્ષીઓ જેવાં કે, ઈકો પેરેકિટ, મોરેશિયન પિન્ક પિજિયન, કેસ્ટ્રેલ વગેરે જોવા મળે છે અને મોરેશિયસના નિવાસી પક્ષીઓ- કક્કૂ શ્રાઇક નામની કોયલ, ફલાય કેચર, મોરેશિયસ બ્લેક બર્ડ અને મોરેશિયન એર લાઇન્સના લોગોમાં દેખાય છે. તે જાજરમાન પેલિ-એન-ક્વે તો અહીં પાર વગરનાં છે. ધરતીનું સ્વર્ગ ગુલમર્ગ Nov 16, 2013 05:43 ચાલો ફરવા ગુલમર્ગ કાશ્મીરનું સૌથી સુંદર હિલ સ્ટેશન છે. ગુલમર્ગની સુંદરતાને કારણે જ તેને ધરતીનું સ્વર્ગ પણ કહેવામાં આવે છે. ગુલમર્ગ દેશનાં શ્રેષ્ઠ અને પ્રમુખ પર્યટન સ્થળોમાંનું એક સ્થળ છે. ફૂલોના પ્રદેશ તરીકે ઓળખાતું ગુલમર્ગ શહેર બારામૂલા જિલ્લામાં આવેલું છે. ગુલમર્ગની હરિયાળી અને સુંદરતા પ્રવાસીઓમાં આકર્ષણનું કેન્દ્ર છે. ગુલમર્ગ ફરવા માટે શિયાળાના સમયને વધુ ઉત્તમ ગણવામાં આવે છે અને એટલે જ અહીં ડિસેમ્બર મહિનામાં વધુમાં વધુ પ્રવાસીઓ આવતા હોય છે. * ગુલમર્ગ શહેરનું નામ પહેલાં ગૌરીમર્ગ હતું જે બાદમાં સુલતાન યૂસુફ શાહ ચાકે બદલીને ગુલમર્ગ કર્યું. ગુલમર્ગ શહેરમાં વિશ્વનો સૌથી મોટો ગોલ્ફ કોર્સ અને પ્રમુખ સ્કી રિઝોર્ટ છે. * ખિલનમર્ગ ગુલમર્ગની સૌથી સુંદર વેલી છે. અહીંના લીલાં-લીલાં મેદાનમાં ઊગેલાં ફૂલોનાં દૃશ્યો એક અદ્ભુત સૌંદર્ય વિખેરે છે. ખિલનમર્ગથી બરફમાં ઢંકાયેલો હિમાલય અને કાશ્મીર વેલીનાં દૃશ્યો જોવામાં અતિ સુંદર લાગે છે. * અહીં આવેલા અલપાથર સરોવરના પાણીમાં જૂન મહિના સુધી બરફ બનેલો રહે છે. આ ઝીલનું દૃશ્ય બહુ જ મનમોહક લાગે છે. તેમજ ગુલમર્ગથી આઠ કિલોમીટર દૂર આવેલી નિગલી નલ્લાહનું ઝરણું અફરાત શિખરમાંથી ઓગળેલા બરફ અને અલપાથર સરોવરના પાણીથી બન્યું છે.  આ સિવાય અહીં બાબા રેશીની દરગાહ છે, જ્યાં હજારોની સંખ્યામાં શ્રદ્ધાળુઓ દર્શન કરવા માટે આવે છે. * ગુલમર્ગમાં સ્કીઇંગ કરવા માટેની ઉત્તમ જગ્યા છે. સ્કીઇંગમાં રસ ધરાવનાર લોકો માટે ગુલમર્ગની ગણતરી દેશમાં જ નહીં પરંતુ વિશ્વના ઉત્તમ રિઝોર્ટમાં કરવામાં આવે છે. * ગુલમર્ગનો ગોલ્ફ કોર્સ વિશ્વના સૌથી મોટા ગોલ્ફ કોર્સમાંનો એક છે. આ ગોલ્ફ કોર્સની સ્થાપના અંગ્રેજો દ્વારા ૧૯૦૪માં કરવામાં આવી હતી. આજે પણ અહીં ઘણા વિદેશી પ્રવાસીઓ પોતાની રજાઓ વિતાવવા આવે છે. * આ સિવાય અહીં અવંતી સ્વામીનું મંદિર, પટ્ટન, વેરીનાગ, પલહલન, તંગમાર્ગ અને ગોનડોલા લિફ્ટ જેવાં અનેક દર્શનીય સ્થળો છે.

the World's Tallest Statue - Pride of India

ચાલો ખૂબસૂરત બીચની સફરે.... (ટ્રાવેલ)

ટ્રાવેલ - બીજલ

દરેક નવા યુગલ માટે તેમનું પહેલું હનીમૂન એક હસીનસપનાં જેવું હોય છે અને તેઓ ઇચ્છે છે કે,તેમનું પ્રથમ હનીમૂન જીવનભર તેમને સુમધુર પળોની યાદ અપાવનારું બની રહે. જો નવપરિણીત યુગલ પોતાના હનીમૂનની પળોને ઓર ખૂબસૂરત બનાવવા ઇચ્છતા હોય તો ચાલો ભારતના આ ખૂબસૂરત અને રોમેન્ટિક બીચ પર...
દરેક નવું યુગલ ઇચ્છતું જ હોય છે કે, તેમનું હનીમૂન યાદગાર અને ખૂબસૂરત નીવડે. તો ચાલો ભારતના એવાં કેટલાંક બીચની સફરે...

કેરાલા

કોવાલમ બીચ : કેરળનો કોવાલમ બીચ દેશના સૌથી સારા અને રોમેન્ટિક બીચમાંનો એક મનાય છે. કોવાલમ બીચ નવા પરણેલા યુગલો માટે એક સાથે રોમેન્ટિક પળ ગુજારવા માટે એક દમદાર જગ્યા છે. ઊંચા ઊંચા નાળિયેરનાં વૃક્ષોની વચ્ચે આવેલા આ સમુદ્રતટના કિનારે પાણીની ઊડતી-બેઠતી લહેરો લોકોના મનમાં રોમાંચની સાથોસાથ પ્રેમની એક લહેર પેદા કરી મૂકે છે. અહીંયાં વિતાવેલી રોમેન્ટિક પળો કોઈપણ યુગલ માટે જીવનભર યાદગાર બની રહે તેવી હોય છે, એ જ કારણસર અહીંયાં આવનારા સહેલાણીઓમાં નવપરિણીત યુગલોની સંખ્યા અધિક હોય છે.
- મુખ્ય આકર્ષણ : કોવાલમ બીચની પાસે જ બે અન્ય બીચ લાઈટ હાઈસ, ઇવનિંગ બીચ પણ આવેલાં છે. આ બીચ પર પાણીની ઊંડાઈ અધિક નથી, એટલે સહેલાણીઓ નીલા પાણીમાં સ્વિમિંગ અને વોટર સ્કીઇંગનો આનંદ ઉઠાવી શકે છે, સાથોસાથ સનબાથનો આનંદ પણ માણી શકે છે. દિવસભર પાણીમાં મસ્તી કર્યા પછી તમે કોવાલમ બીચ પાસે યોજાનારા પારંપારિક કથકલી નૃત્યનો આનંદ માણી શકો છો, તો અહીંયાં તમે આયુર્વેદિક મસાજ પણ કરાવી શકો છો અને હરવા-ફરવાથી લાગેલો થાક ઉતારી શકો છો.
- કેવી રીતે જશો? : આ બીચ કેરળની રાજધાની તિરુવનંતપુરમ્ (ત્રિવેન્દ્રમ્)થી લગભગ ૧૬ કિ.મી.ના અંતરે આવેલો છે. ત્રિવેન્દ્રમ્ સુધી તમે હવાઈ-રેલ- સડક માર્ગે પહોંચી શકો છો, તે પછી ત્યાંથી કોવાલમ બીચ માટે ટેક્સી, બસ અને ઓટોરિક્ષા મળી રહે છે.

ગોવા

ગોવાના બીચ પ્રેમી યુગલો અને નવપરિણીત યુગલો માટે પણ ખૂબસૂરત અને રોમેન્ટિક સ્થળ છે. અહીંયાં તમે ખુલ્લાં આસમાનનીનીચે તાડ અને ખજૂરનાં વૃક્ષોની વચ્ચે પ્રકૃતિનો ભરપૂર આનંદ માણી શકો છો. અહીંયાંના તો ડઝનથીય અધિક સાગરતટ વર્ષ દરમિયાન દેશી-વિદેશી પર્યટકોથી ભરપૂર રહે છે.
- અંજુના બીચ : આ બીચ પર માઈલો સુધી હરિયાળી વચ્ચે ઝૂમતાં વૃક્ષોની વચ્ચે પ્રકૃતિના અનોખા સૌંદર્યની ઝલક જોવા મળે છે. સફેદ રેતી અને નીલા પારદર્શી પાણીને કારણે એ ખૂબસૂરતીમાં ઓર વધારો કરી મૂકે છે. શાંત વાતાવરણની વચ્ચે પાણીની લહેરોના પથ્થરની શિલાઓ સાથે ટકરાવાથી અદ્ભુત ધ્વનિ ગુંજી ઊઠે છે. સૂર્યાસ્તનો નજારો જોવા જેવો બની રહે છે, તો ચાંદની રાતમાં સફેદ રેતી પર પથરાયેલી ચાંદનીની વચ્ચે તમે તમારા સાથીની સાથે હરવા-ફરવાનો આનંદ માણો તે કંઈક ઓર જ અનુભૂતિ કરાવી જાય છે. જે અહીંયાં એકવાર આવે છે તે વારંવાર આવવાની ઇચ્છા સાથે જ અહીંથી જાય છે.
- ક્યારે જશો? : નવેમ્બરથી માંડીને જાન્યુઆરી સુધીનો સમય સૌથી સારો છે. ખાસ કરીને ડિસેમ્બરમાં ક્રિસમસ અને ન્યૂ ઇયરની ઉજવણી માટે અહીંયાં ખાસ તૈયારીઓ કરાય છે.
- કેવી રીતે પહોંચશો? : આ ગોવાની રાજધાની પણજીથી માત્ર ૧૮ કિ.મી.ના અંતરે આવેલો છે. ગોવા આખા દેશ સાથે હવાઈ માર્ગે જોડાયેલું છે. અહીંયાં પુના અને મુંબઈથી બસ દ્વારા પણ પહોંચી શકાય છે.

કોલ્વા બીચઃ

કોલ્વા બીચ પર સૂર્ય અને સમુદ્રનું મિલન પ્રકૃતિનું એક અનોખું દૃશ્ય બનાવી દે છે. પ્રકૃતિની આ અણમોલ છટાને પર્યટકો ઓર મનમોહક બનાવી દે છે. હનીમૂન કપલ્સ માટે ઉત્તમ જગ્યા છે. રહેવા માટે અહીંયાં સારી સુવિધા છે.
ડોના પાઉલાઃ ગોવાનો આ સાગરતટ પ્રેમીઓનું સ્વર્ગ ગણાય છે,કેમ કે અહીંયાં બહુ પહેલાં વાઈસરોયની બેટી ડોના પાઉલાએ પોતાના પ્રેમી માછીમારની સાથે લગ્ન ન થવા પર શિલા પરથી કૂદીને પોતાના પ્રાણ આપી દીધાં હતાં. ત્યારથી આ બીચનું નામ ડોના પાઉલા પડી ગયું છે. આ પ્રેમ સ્ટોરીને કારણે હનીમૂન કપલ્સ આ સાગરતટ પર આવવાનું ખાસ પસંદ કરે છે. અહીંયાં ગોવાનું ખૂબ જૂનું ચર્ચ પણ છે. જેને અવશ્ય જોવું. જો તમે વોટર સ્પોર્ટ્સનો આનંદ ઉઠાવવા માગતા હોવ તો આ બીચ પર વોટર સ્પોર્ટ્સની સારી સુવિધા છે.

પોંડિચેરી

ઓરો બીચ : પોંડિચેરીનો આ સુંદર સાગરતટ દેશી-વિદેશી પર્યટકોની સાથોસાથ નવપરિણીત યુગલો માટે પણ ખાસ પ્રિય સ્થળ છે. અહીંયાં સહેલાણીઓ રેતી, જળ અને તાપનો આનંદ ઉઠાવતાંનજરે ચઢે છે. અહીંયાંના સ્થાનિક લોકોએ પોતપોતાના ઘરોમાંનાની-નાની રેસ્ટોરાં પણ ખોલી રાખી છે, જે પર્યટકોને ચા-નાસ્તો ઉપલબ્ધ કરાવે છે.
- કેવી રીતે જશો? : ઓરો સાગરતટની સફર કરવા માટે ઓક્ટોબરથી માંડીને માર્ચ સુધીનો સમયગાળો સૌથી ઉત્તમ રહે છે. એમ તો અહીંયાં વરસાદના થોડા દિવસો છોડીને ક્યારેય પણ તમે જઈ શકો છો.
- કેવી રીતે પહોંચશો? : પોંડિચેરી પહોંચવાનો સૌથી સરળ રસ્તો તો ટ્રેન કે હવાઈ જહાજથી ચેન્નાઈ પહોંચીને ત્યાંથી બસ કે ટેક્સી દ્વારા પોંડિચેરી પહોંચવાનો છે. સડક માર્ગ સાથે પોંડિચેરી સારી રીતે બધાં જ પાડોશી રાજ્યો સાથે જોડાયેલું છે. ત્યાં જ પોંડિચેરીથી ચેન્નાઈ જનારા માર્ગ પર હાઈવેથી ડાબા હાથે લગભગ ૩૦૦ મીટરના અંતર પર જ ઓરો બીચ આવેલો છે.

આંદામાન-નિકોબાર

વિજ્યાનગર બીચ : આંદામાન-નિકોબાર આઈસલેન્ડ પર આવેલ વિજયનગર સમુદ્રતટ હનીમૂન કપલ્સ માટે એકદમ ઉત્તમ જગ્યા છે. સાથે જ પ્રાકૃતિક અને ઐતિહાસિક વારસાથી સમૃદ્ધ જગ્યા છે. આ સાગરતટ પ્રકૃતિની સુંદરતા અને રોમાંચક ખેલો માટે જાણીતો છે. અહીંયાં સફેદ રેતી અને સાગરતટના કિનારે ઊભેલાંનાળિયેરનાં વૃક્ષોની વચ્ચે લહેરોની જે તરંગો ઊઠે છે તે તરત જ લોકોના દિલોમાં ગુદગુદી પેદા કરી દેનારી હોય છે. એમ તો આંદામાન-નિકોબારમાં બીજાં કેટલાંક ઘણાં સાગરતટો છે, પણ વિજયનગર બીચની છટા સૌથી નિરાળી છે. અહીંયાં તમે સાગર કિનારે ટહેલવાની સાથોસાથ રોમાંચક વોટર સ્પોર્ટ્સનો આનંદ પણ ઉઠાવી શકો છો. ખાસ કરીને સ્કૂબા ડાઈવિંગનો.

- ક્યારે જશો? : સૌથી ઉત્તમ સમય નવેમ્બરથી લઈને ફેબ્રુઆરી સુધીનો હોય છે.

- કેવી રીતે જશો? : ચેન્નાઈ અને કોલકાતાથી પોર્ટ બ્લેયર માટે હવાઈ સેવાઓ ઉપલબ્ધ છે. જો તમે સાગરમાર્ગે જવા ઇચ્છતાં હોવ તો ચેન્નાઈ, કોલકાતા અને વિશાખાપટ્ટનમ્થી તમે સીધા જઈ શકો છો.

વર્ષાઋતુમાં જોવા જેવા રમણિય સ્થળો (ટ્રાવેલ)

ટ્રાવેલ  - બીજલ

ભારતમાં વર્ષાઋતુને સૌ કોઈ વધાવે છે. વાવણી કર્યા બાદ ખેતરમાં વરસતો વરસાદ ભરપૂર ધાન્ય ઉગાડે છે. આકરી ગરમીથી ત્રાસેલા લોકોના તનમનને વરસાદ ટાઢક આપે છે. વનસ્પતિ અને સમગ્ર જીવસૃષ્ટિ વર્ષાના આગમન બાદ નવું જીવન પામે છે. સમગ્ર સૃષ્ટિને ધોઈને, તાજગી આપીને વર્ષા ઋતુ નવા ફૂલપાન વગેરેથી સૃષ્ટિને સજાવે છે. ચારેય બાજુ રંગોની શોભા, શીતળતા અને નિખાર દૃષ્ટિગોચર થાય છે. જો શહેરનું વાતાવરણ વર્ષા ઋતુના આગમનથી આટલું સુંદર બનતું હોય તો જે સ્થળો પર પ્રકૃતિની સુંદરતાની મહેર હોય તે સ્થળો વર્ષા ઋતુમાં કેવું સ્વરૂપ ધારણ કરતાં હશે એ પ્રશ્ન રસિકોના મનમાં જરૂર ઊઠશે? આપણા દેશમાં તેમ જ વિશ્વમાં આવેલા સુંદર પર્યટન સ્થળો વર્ષા ઋતુમાં કેવા દેખાય છે, કયા સ્થળની કઈ ખાસિયત કે વિશિષ્ટતા જોવા મળે છે તે પ્રકૃતિ-પ્રેમી પ્રવાસીઓના અનુભવ પરથી જાણીશું.

નાલદેહરા

સિમલાથી એક કલાકની સડક-મુસાફરી દ્વારા નાલદેહરા પહોંચાય છે. આ સ્થળની ચારે બાજુ હિમાલયના પર્વતોની હારમાળા છે. અહીંનો સૂર્યોદય અને સૂર્યાસ્ત રમણિય હોય છે અને કુદરતનો આનિત્યક્રમ રોજ નવો, અલૌકિક અનુભવ કરાવે છે. ઊગતો સૂર્ય જે રીતેપર્વતના શિખરોને પોતાના સુવર્ણ પ્રકાશમાં ક્રમબદ્ધ રીતે આવરતો જાય છે, પર્વતના હિમાચ્છાદિત શિખરો જે રીતે સૂર્યના કિરણોમાં ચમકીને પ્રકાશને પરાર્વિતત કરે છે તે દૃશ્ય શહેરીજનોને તો ક્યારેય જોવા ના મળે તેવું દુર્લભ છે. સૂર્યના પ્રથમ કિરણે જનિદ્રામાંથી જાગેલા પંખીઓ પોતાના મધુર કલરવથી સૂર્યદેવને વધાવતા જોવા મળે છે. જમીન અને પર્વતોની સપાટીઓ પર દેખાતાં પ્રકાશ-છાયાના ખેલ, હરિયાળા ઢોળાવો અને ખીણો,તળેટીની ગોદમાં લપાયેલા નાનકડા-અટૂલા મંદિરો, ઊભી ભેખડો પર લહેરાતી ધજાવાળા ઉન્નત દેવાલયો નાલદેહરાની ૬૫૦૦ ફૂટની ઊંચાઈ પર એક નવી દુનિયાનો અનુભવ કરાવે છે. ભારતના અંગ્રેજ વાઈસરોય લોર્ડ કર્ઝનને આ સ્થળ એટલું પસંદ આવ્યું હતું કે, તેમણે પોતાની એક દીકરીનું નામ 'એલેકઝાન્ડ્રાનાલદેહરા' પાડયું હતું.
આસપાસનાં જંગલોમાં દોડતી સાંકડી કેડીઓ સર્પાકાર લાગે છે. ચિંડી-વેલીના વિસ્તારો અદ્ભુત પ્રાકૃતિક સૌંદર્યનું દર્શન કરાવે છે.નાલદેહરાની ગોલ્ફ ક્લબ દેશની બીજા નંબરની જૂની ક્લબ છે. ચોમાસા દરમિયાન આ ક્લબમાં શ્રેષ્ઠ ગ્રીનકાર્પેટ જોવા મળે છે જે ગોલ્ફર્સ માટે લહાવો છે.
કેવી રીતે પહોંચશો?
સિમલાથી નાલદેહરા ૨૨ કિલોમીટરના અંતરે છે અને સડકમાર્ગે જવાય છે. સૌથી નજીકનુું વિમાનીમથક દિલ્હી છે. દિલ્હીથીનાલદેહરા સડકમાર્ગે તેમ જ ટ્રેન દ્વારા કાલ્કા સુધી જવાય છે. કાલ્કાથી ટોય ટ્રેન દ્વારા સિમલા જવામાં છ કલાક લાગે છે. અહીં રહેવા માટે ઘણી હોટેલો છે.

કૂર્ગ

દક્ષિમ કર્ણાટકમાં આવેલું 'કૂર્ગ' એક સુંદર પ્રવાસધામ છે. અહીંનું દુબારે-ફોરેસ્ટ મનુષ્યના વિક્ષેપથી દૂષિત ન થયું હોવાને કારણે પ્રકૃતિના અસલ સ્વરૂપનો પરિચય કરાવે છે. છુપાઈને બેઠેલા પક્ષીઓની મધુર ગુંજ, વનસ્પતિની તાજી સુગંધ વર્ષાઋતુ દરમિયાનતેની ચરમસીમાએ હોય છે.
નિસર્ગધામ ખાતે એલિફન્ટ-કેમ્પ છે. અહીં હાથીઓ સાથે સમય પસાર કરી શકાય છે. ત્યાંથી થોડા કિલોમીટરના અંતરે 'બાપલેકુપ્પી'નામની બુદ્ધિસ્ટ વસાહત છે જે ધરમશાલા પછી બીજું સ્થાન ધરાવે છે.
કેવી રીતે પહોંચશો?
સૌથી નજીકનું એરપોર્ટ બેંગલુરુ છે. જે કૂર્ગથી ૨૪૫ કિ.મી. દૂર છે. સૌથી નજીકનું માયસોર રેલવે સ્ટેશન અહીંથી ૧૦૦ કિ.મી.ના અંતરે છે. બીજાં એરપોર્ટ્સ ૧૯૫ કિ.મી. દૂર મેંગલોર અને ૨૧૦ કિ.મી. દૂરકાલિકટ છે.
રહેવા માટે અહીં રિસોર્ટ, કોટેજીસ, ટેન્ટ્સ તેમ જ વિલાઝ ઉપલબ્ધ છે. આસપાસમાં બીજાં વિકલ્પો પણ છે.

મકાઉ

'મકાઉ' એ હવે ચાઈનીઝ ટેરિટરી છે. એક સમયે તે પોર્ટુગીઝ કોલોની હતું. ઓગણત્રીસ ચોરસમીટર વિસ્તાર ધરાવતું મકાઉ અત્યારે પૂર્વનું લાસ-વેગાસ ગણાય છે. તે ચીનનું ગેમ્બલિંગ ડેન છે. અનેક સુંદર રિસોર્ટ્સ અને સુવિધાઓ ધરાવતું મકાઉ લોકોના આકર્ષણનું કેન્દ્ર બની ચૂક્યું છે.
આ સ્થળ વર્ષો પહેલાં અફીણના વેપારનું કેન્દ્ર હતું. અહીં અનેક ચાંચિયાઓ પણ આવતા-જતા હતા. વર્ષો સુધી તે અનેક જાતિઓના સામ્રાજ્ય- શાસન હેઠળ હતું. ચીની અને પોર્ટુગીઝ સંસ્કૃતિની અસર હેઠળ અહીં બૌદ્ધ મંદિરો અને દેવળો જોવા મળે છે. અહીંના મેદાનો અનેક ફૂલોથી સુશોભિત હોય છે. સાંજના સમયે અહીંના કેસિનોની ઝાકઝમાળ જોવા જેવી હોય છે.
કેવી રીતે પહોંચશો?
મકાઉનું પોતાનું ઇન્ટરનેશનલ એરપોર્ટ છે. હોંગકોંગ સાથે પણ તે સારી રીતે જોડાયેલું છે.
ભારતીયો માટે મકાઉ, હોંગકોંગ જવા માટે વિઝાની જરૂર નથી. અહીંથી એન્ટ્રી પરમિટ મળે છે.
અહીં રહેવા માટેની ઘણી હોટેલો છે.
ઓસ્ટ્રિયાનું 'ઇન્સબ્રુક'
ઓસ્ટ્રિયાના ટાયરોલ-પ્રોવિન્સનું પાટનગર 'ઇન્સબ્રુક' આલ્પ્સ પર્વતોની મધ્યમાં આવેલું છે. અહીંના પર્વતો, જંગલો, ખીણો મંત્રમુગ્ધ કરે તેવા છે. આ શહેર રિવર-ઇન નદી પર આવેલું છે. શહેરની ફરતે અણિયાળા પર્વતો ઘેરીને ઊભા છે. માઉન્ટેનિયર્સ માટે આ સ્થળ શ્રેષ્ઠ છે. ભૂખરા-લીલા રંગની નદીને કિનારે મૂકેલા બાંકડા પર, ઘનઘોર વૃક્ષોની નીચે તેમ જ કેફેઝમાં પ્રવાસીઓ અને સ્થાનિક લોકો બેઠેલા હંમેશાં નજરે પડે છે. આ જગ્યા ૫૫૦૦ ફૂટ ઊંચા'નોર્ડકેટે' પર્વતની તળેટીમાં છે. આ પર્વતના શિખરો ઉનાળામાં પણ હિમાચ્છાદિત હોય છે. 'ઓલ્ડ ટાઉન' વિસ્તારમાં નાનકડી શેરીઓ, જૂની શૈલીના મોટાં મકાનો, એપલ-સ્ટ્રડલ અને લોકલ-વાઈનમાણતા પ્રવાસીઓ જોવા મળે છે. અહીં હરિયાળી અને સુંદર ફૂલોની બિછાત ચારે બાજુ જોવા મળે છે. સાંજના સમયે ઢળતો સૂર્ય હિમાચ્છાદિત શિખરોને સ્પર્શીને ચારે બાજુ ગુલાબી આભા પાથરે છે.
કેવી રીતે પહોંચશો?
મુંબઈ અને દિલ્હીથી ઓસ્ટ્રિયન એરલાઈન્સની ફ્લાઈટ્સ વિયેના સુધી જાય છે. વિયનાથી કનેક્ટિંગ ફ્લાઈટ ઈન્સબ્રુક લઈ જાય છે. અહીં દરેક પ્રકારની રહેઠાણ વ્યવસ્થા મળી રહે છે.

'કુબર-પેડી'-

ઓસ્ટ્રેલિયાનો પાતાળલોક
દક્ષિણ ઓસ્ટ્રેલિયામાં આવેલું 'કુબર-પેડી' કોઈને કલ્પના ના આવે તેવું સ્થળ છે. આ નગરમાં 'ઓપલ' (લસણિયો રત્ન)ની ખાણો છે. અહીં મોટાંભાગના રહેવાસીઓ જમીનની નીચે કામ કરે છે અને રહે છે. તેમાં બેંતાલીસ દેશોના લોકો છે જેમાં કેટલાંક ભારતીય પણ છે. અહીં જમીનની નીચે દેવળો પણ છે. અહીં વિશ્વની એકમાત્ર ભૂમિગત ફોર-સ્ટાર હોટેલ છે. બહારના ભાગમાં જ્યારે મહત્તમ તાપમાન ૫૦ં અને લઘુતમ તાપમાન ૫ં હોય છે ત્યારે આ નગરમાં ૨૦ંથી ૨૫ં ખુશનુમા વાતાવરણ હોય છે. અહીં પરમિટ લઈને એક વર્ષ રહી શકાય છે અને ખાણકામમાં નાણાં રોકીને મર્યાદિત હક પણ મળે છે. અહીં 'ડાઉન એન્ડ ડર્ટી ટૂર' દ્વારા બંધ થઈ ગયેલી ખાણોની મુલાકાત લઈ શકાય છે. તેમાં જમીનની અંદર બનાવેલા દેવળો અને ઘરો જોઈ શકાય છે. આ ટૂરનું સૌથી મોટું આકર્ષણ છે 'બ્રેકવેઝ એન્ડ મૂન-પ્લેન્સ'નું દર્શન. આ જગ્યા આમ તો ખાલીખમ છે, પરંતુ તેનો ભૂમિપટ ચંદ્ર જેવો પણ જોવા મળે છે. નગરની ધાર પર આવેલો આ પટ્ટો ખડકાળ, પરંતુ રંગીન અને ચિત્રવત્ સુંદર છે. અહીં આવ્યા બાદ કોઈ બીજાં ગ્રહ પર આવી ગયાની અનુભૂતિ થાય છે.
કેવી રીતે પહોંચશો?
એડીલેડથી ૮૪૦ કિ.મી. દૂર અને એલિસ-સ્પ્રિંગ્સની દક્ષિણે ૭૫૦ કિ.મી.ના અંતેર કુબર-પેડી આવેલું છે. બંને શહેરો સાથે તે સ્ટુઅર્ટ-હાઈવેથી જોડાયેલું છે. એડીલેડથી ફ્લાઈટ દ્વારા ત્યાં જઈ શકાય છે. રહેવા માટે અહીં ઘણી હોટેલો છે.
કેન્યન સફારી
કેન્યન સફારીના સ્થળ સુધીનો પ્રવાસ સ્વયં ખૂબ સાહસભર્યો અને રોમાંચક છે. અહીંની ભૂમિ અને વાતાવરણ સંપૂર્ણપણે વન્ય અને જંગલી છે. જીપમાં બેસીને ચારે બાજુ જોવા મળતા ઘાસનાં મેદાનો, છત્રી જેવા અંકેશિયા વૃક્ષો વગેરે અચંબો પમાડે તેવા છે. 'મસાઈ-મારા' તરીકે ઓળખાતું, પશુ-પક્ષીઓની વિશાળ વસાહત ધરાવતું સ્થળ આ જ છે. આ વિસ્તાર ૭૦૦ ચોરસ માઈલમાં પથરાયેલો છે. અહીં સિંહ, હાથી, જિરાફ, ઝિબ્રા, શાહમૃગ, ઝરખ, ગેઝેલ (એક સુંદર હરણ), શિયાળ, વોટર-હોગ, ભેંસો, હિપ્પો, ચિત્તા તેમ જ અસંખ્ય જાતના પ્રાણીઓ જોવા મળે છે. અહીં માંસભક્ષી પશુઓને નાના પશુઓનો શિકાર કરતાં જોઈ શકાય છે. અહીં બધાં જીવો પોતાનું સહજ, સ્વાભાવિક જીવન જીવતા જોવા મળે છે.
કેવી રીતે પહોંચશો?
કેન્યન સફારી જવા માટે નૈરોબી પહોંચવું પડે છે. મુંબઈથીનૈરોબીની રોજિંદી કેન્યન એર ફલાઈટ હોય છે.
કેન્યા પહોંચવા માટે ભારતીયોએ વિઝા લેવા જરૂરી છે. કેન્યા પહોંચ્યા બાદ પણ વિઝા લઈ શકાય છે.
સફારીની સફરમાં મસાઈ-મારા, લેક-નાકુસ, એબર્ડેર અથવા શળા/સાંબુરુ અને માઉન્ટ કેન્યા સફારી ક્લબનો      સમાવેશ  થાય છે.