ક્યુબા : કેરેબિયન ટાપુઓમાં સૌથી મોટો દેશ

Jul 27, 2012

વર્લ્ડ ટૂર

પાટનગર         : હવાના

પ્રમુખ   : રાઉલ કેસ્ટ્રો

અધિકૃત ભાષા : સ્પેનિશ

ક્ષેત્રફળ : ૧,૧૦,૮૬૧ ચો.કિમી.

વસ્તી   : ૧,૧૨,૪૧,૧૬૧

કરન્સી : ક્યુબન પેસો

સ્પેન અને અમેરિકાના આધિપત્યમાંથી ૧૦ ઓક્ટોબર, ૧૮૬૮ના રોજ સ્વતંત્ર થયેલા આ દેશમાં ૧૯૦૨થી ગણતંત્ર શાસન શરૂ થયું હતું. ૧૯૫૯માં ક્યુબામાં ક્રાંતિ થઈ હતી જેને ક્યુબન ક્રાંતિના નામે ઓળખવામાં આવે છે. ક્યુબા કેરેબિયન ટાપુઓ પૈકીનો એક દેશ છે. કેરેબિયન ટાપુઓમાં સૌથી વધુ વસ્તી ધરાવતો દેશ ક્યુબા છે. ૧૪૯૨માં ક્રિસ્ટોફર કોલંબસ આ ટાપુ પર આવ્યો, પછી ક્યુબાનો સંબંધ બાકીની દુનિયા સાથે જોડાયો હોવાનું કહેવાય છે.
સુગર અને તેની બનાવટો પર ક્યુબાની ઈકોનોમીનો મોટો આધાર રહેલો છે. આ ઉપરાંત તમાકુના ઉત્પાદનમાં પણ ક્યુબા મહત્ત્વનો ભાગ ભજવે છે. પાટનગર હવાના ઉપરાંત સાન્ટા ક્લારા, સેન્ટીગો ડી ક્યુબા, કેમેગ્યુ સહિતનાં નોંધપાત્ર શહેરો આ દેશમાં આવેલાં છે.